Доза кофеин може да го зајакне визуелното памтење, покажува американско истражување, кое го испитувало ова кај студентите што пијат кафе, чај или енергетски пијалоци кога се подготвуваат за испити...



Професорот по психологија и неврологија Мајкл Јас, од 73 доброволци побарал да набљудуваат слики од различни предмети - билки, кеси и саксофон.

Со тестот сакал да го анализира ефектот од кофеинот на хипокампусот, дел од мозокот кој ги воочува разликите кај различните форми. Потоа на половината испитаници им е дадена доза од 200 милиграми кофеин во таблета (количина колку што содржат два филџана еспресо), а на останатите таблета без кофеин.

Следниот ден на двете групи им се дадени да гледаат други слики, од кои некои биле исти како и претходниот ден, а имало и нови и неколку слични.
Двете групи ги забележале големите разлики, меѓутоа групата што конзумирала кофеин покажала подобри резултати.