Електричните конекции помеѓу невроните на машкиот и женскиот мозок се сосема поинаку поврзани...



Ова го објаснува фактот дека мажите и жените постигнуваат подобри резултати во различни области на активности, наведуваат американски истражувачи.

Како што пренесува BBC, група на научници од Универзитетот во Пенсилванија скенирале мозоци на околу 1.000 мажи, жени, момчиња и девојчиња. Откриле фрапантни разлики. Машкиот мозок е поврзан од напред према позади, со многу малку врски помеѓу двете хемисфери. Кај жените пак левата и десната хемисфера се поврзани со "жици".

Овие разлики можат да објаснат зошто мажите се обично подобри во учењето и вршат одредени активности, додека жените се подобро опремени за вршење на повеќе задачи истовремено, се наведува во истражување објавено во PNAS.

Авторот на истражувањето, д-р Рубен Гур, смета дека е неверојатно што мозокот на мажите и жените се всушност комплементарни.

„Со детален "конектор" од мапата на мозокот (мапите на мозокот се засновуваат на врски со секој неврон) не само што ќе ни помогне подобро да ги сфатиме разликите во размислувањето на мажите и жените, туку и ќе ни овозможи увид во корените на невролошките пореметувања, кои често се врзани за одредениот пол“, истакнал тој.