Трката за освојување на вселената започна одамна, но денес се повеќе велесили се приклучуваат за да го дадат и тие својот придонес за да бидат дел од овој ексклузивен клуб...



Кина утре ќе го лансира својот прв ровер „Jade Rabbit“ на Месечината, кој би требало да биде големо достигнување во кинеската "вселенска програма" со оглед на тоа што до 2020 година се подготвуваат да ја направат првата база и да го пратат човекот на Месечината.

Од друга страна, Индија ја започна првата мисија на Марс, па така со Американците, Европјаните и Русите станаа нација која испраќа експедиција на "црвената планета". Инаку, Индија ја лансира „вселенската програма“ пред 50 години, а пред 5 години нивниот Chandrayaan сателит ги пронашол првите докази за водата на Месечината.

Оваа програма е 10 пати поевтина отколку во случајот на Американците, кои потрошиле само 73 милиони долари, а поради ниската цена и ниските трошоци, Индија е многу привлечна земја. Да споменеме само дека пред десет години Јапонците се обидоа да влезат во орбитата на Марс, но, тестот беше неуспешен поради електрични проблеми.

"За да влезете во орбитата на Марс, брзината на леталото треба да се намали и  не можете да чекате кога сте блиску до теренот, бидејќи тогаш е премногу доцна", изјавил Мајанк Вахаја, професор по астрономија и астрофизика на институтот во Мумбаи.

Се чини дека не чекаат големи достигнувања во областа на универзумот.