Американски ентомолози направија интересно откритие - фосил на комарец, уште полн со крвта од последното јадење пред 46 милиони години...
"Ова е прва фосил на комарец, уште полн со крв од жртвата, која некогаш ја боцнал", рече биохемичарот Дејл Гријнуолт кој работи во Музејот на природна историја во Вашингтон, и е главен автор на откритието. Најстариот скаменет комарец е пред 95 милиони години - време кога диносаурусите сеуште се населувале на Земјата (тие исчезнаа пред 65 милиони години). Иако стар, овој комарец сепак, успеал да стигне до нас со празен стомак. Иако 14 000 вида инсекти се хранат со крв - вклучувајќи болви, комарци, крлежи , речиси нема фосили кои докажуваат таков тип исхрана во историјата на еволуцијата. Досега се откриени само четири фосили на инсекти, откритие во кои причинители на каротидната болест - trypanosome и маларија - plasmodium, индиректно покажуваат дека овие инсекти се хранат со крв.
Комарцот кој Гријнуолт ги истражува, доаѓа од седиментниот слој во древно езеро во североисточниот дел од државата Монтана. Досега тој е единствениот кој дозволи да се покаже дека хемоглобинот и неговите производни биомолекули можат да бидат зачувани во фосил. Спектрометричната анализа со магнетна резонанца открива дека стомакот содржи многу високи вредности на железо од молекулите на порфирин, кои влегуваат во составот на крвта. Овие податоци го докажуваат постоењето на задржани сложени биомолекули во фосили во текот на големи периоди од време, истакнуваат научниците.
Тие исто така забележуваат дека други големи, но нестабилни молекули, како целина не опстануваат во фосилите. Ова откритие им овозможува да се датира постоењето на ова семејство инсекти барем до 46 милиони години. Фосилот на комарецот кој содржи крв, е пронајден во колекцијата на ентомолог пред 25 години, која била подарена на Музејот на природна историја во Вашингтон, објаснува Дејл Гријнуолт.
