Откако крајот на светот не се случи на 21 декември 2012 година и предвидувањата на Маите не се исполнија, Апокалипсата се одложува за подоцнежен датум. Според американски експерти, тој ќе настапи на 16 март 2880 година, пренесе "Дејли мејл"...
Тогаш астероидот 1950 AD има 0,3% шанса да се судри со Земјата.
Тоа е за 50% поголем ризик од судир, во споредба со сите други астероиди. Ако небесното тело се судри во нашата планета, тоа ќе предизвика експлозија, еквивалентна на 44 800 мегатона ТНТ.
Астероидот 1950 AD беше откриен на 23 февруари 1950 година. Тој беше забележан во текот на 17 дена, по што мистериозно исчезна за околу половина век. Астероидот повторно беше забележан на 31 декември 2000 година. Тој ќе се приближи по 867 години толку блиску до нашата планета, што може да се скрши во Атлантикот со монструозна брзина - 60 илјади километри на час.
Компјутерска симулација направена од американски научници од Универзитетот во Санта Круз, Калифорнија, предвидува монструозно цунами од 130 метри, што ќе го погоди Атлантскиот брег. На сличен начин се исчезнати диносаурусите пред 65 милиони години.
