Меѓународен тим астронаути открија чудна осамена планета која лебди во просторот без да биде во орбитата на ѕвезда...
Оваа гасна екстрасоларна планета, наречена PSO J318.5 -22, се наоѓа само на 80 светлосни години од Земјата (една светлосна година е еднаква на 9 460 730 472 580,8 км) и има маса 6 пати поголема од онаа на Јупитер, прецизираат астрономите од тимот. Тие ја објавија информацијата за своето откритие во американското научно списание "Astrophysical Journal Letters"...
Планетата се формирала пред само околу 12 милиони години, што ја прави многу млада. "Досега не сме билесведоци на објект кои лебдат слободно во просторот и кои ги имаат сите карактеристики на младите планети во орбита околу некоја ѕвезда", рече Мајкл Лиу од Институтот за астрономија на хавајскиот универзитет во Маноло, кој е главен автор на откритието. "Често сум се прашувал дали такви осамени предмети можат да постојат, и ете сега знаеме дека можат , рече тој. Оваа планета е со најмала маса измерена некогаш во слободно лебдечки објект, но во исто време има уникатни карактеристики - масата, бојата и енергијата ја исполнуваат планетата во орбита, прецизираат астрофизиците. Во последниве години се зголеми бројот на новооткриени екстрасоларни планети - околу 1.000 се откриени со индиректни методи - по сенката што ја прават на својата ѕвезда, минувајќи пред неа.
Многу малку од овие планети , сепак можат да бидат директно забележани, бидејќи повеќето се во орбитата на млади ѕвезди на помалку од 200 милиони години, кои светат многу сликовито. Новооткриената екстрасоларна планета ќе им овозможи да се следи внатрешното функционирање на џиновска гасна планета како Јупитер малку по нејзиното раѓање, истакнува Нил Дијкен од институтот "Макс Планк", кој е ко-автор на студијата. Планетата е откриена со помош на телескопот Pan - STARRS 1, кој е лоциран на планината Халеакала во Мауи, Хаваи.
