Јапонски астрономи откриле неверојатна планета чија атмосфера е полна со водена плазмa...

Gliese 1214 b, оддалечена околу 40 светлосни години од нас, е планета шест пати поголема од Земјата и се вбројува во категоријата на т.н. "суперземји".

Атмосферата на ова планета е полна со вода, но атмосферската температура се качува и до 280 степени Целзиусови, што во комбинација со високиот притисок на таа планета водата ја претвора во многу необична состојба налик на плазма, пренесува Space.com.

Gliese 1214 b кружи околу ѕвезда која е многу поладна од нашето Сонце, но се наоѓа и на 70 пати помала оддалеченост, што е причина за високите температури на површината на планетата.

За еден полн круг околу својата матична ѕвезда на планетата и се потребни само 38 часа.

Научниците во јапонскиот Национален опсерваториум го снимиле минувањето на планетата пред нејзината ѕвезда со телескопот Субару, па го измериле светлото преку атмосферата, со што делумно го откриле и нејзиниот состав.