Американската вселенска агенција НАСА ги покажа првите сателитски снимки на новопојавениот остров во Арапското Море кој се формираше по силниот земјотрес во Пакистан...

Островот наречен Залзала Јазир, предизвика внимание не само кај Пакистанците, но и кај целиот свет. Експертите открија дека на островот излегува гас, кој е без мирис, но е запалив. Според научниците можно е да станува збор за метан.

Според истражувачите ова е привремен остров, кој ќе исчезне во истиот начин како што се појавил. Најверојатно ќе биде уништен од силните бранови и ветрови кои носат со себе песок и глина.