Тоа ќе почне следната година, кога шестмина членови ќе тргнат на епско патување до Марс...

Што е работата, се прашувате? Одговорот е едноставен, бидејќи Европската вселенска агенција  (ESA) бара доброволци за таа "мисија", чија цел е истражување на психолошките и медицинските последици на едно долго патување во вселената, а може да се пријави речиси секој. Сето тоа е дел од програмата на ESA, наречена ELIPS, чија цел е да ги подготви научниците и идните астронаути за мисја на Месечината и Марс.

ESA моментално бара двајца кандидати и две дополнителни замени за истражување, кое би требало да потрае цели 520 дена во изолација, и кое би требало да го симулира патувањето на МАрс и одење по неговата површина. Кандидатите мораат да бидат на возраст помеѓи 20 и 50 години, мотивирани, со добро здравје и не повисоки од 185 центиметри.

Следниот услов е познавање на било кој од двата јазика- англиски и руски. И еден од најважните услови, е тоа што кандидатите мораат да имат искуство на работа во медицината, биологијата, познавање на опремата за одржување на животот, познавање на компјутери и работа на истите со познавање на електрониката и механиката.

Можат да се пријават само кандидати од земјите кои учествуваат во ELIPS програмата и кои се членки на ESA, односно, Австрија, Белгија, Швајцарија, Чешка, Германија, Данска, Шпанија, Франција, Грција, Италија, Ирска, Норвешка, Холандија, Шведска и Канада. Значи, сите вие со двојно државјанство, навалете!