Значи 1977 година две вселенски летала, Voyager 1 и 2, полетаа во вселената. Едното од нив, Voyager 1, ќе влезе во историјата како прво летало кое го напушти Сончевиот систем, пишува CNN...

Научниците сега имаат цврсти докази дека леталото на НАСА Voyager 1 помина важна граница и ја напушти хелиосферата, магнетскиот простор кој го дели Сончевиот систем од остатокот од галаксијата, и така стана првото такво летало кое е направено од човечка рака, а влезе во меѓуѕвездениот простор.

"Напуштајќи ја хелиосферата и започнувајќи ја пловидбата во вселенското море меѓу ѕвездите, Voyager 1 се придружува на останатите историски истражувачки патувања како што е она на Месечината", рекол Ед Соун, главен научник за мисијата на Voyager.

Voyager 1 моментално е 18,8 милијарди километри оддалечено од Земјата, додека неговиот близнак Voyager 2, заостанува зад него, тој е нешто поблиску, на 15,3 милијарди километри.