Првата вакцина во светот против пушењето е развиена од страна на компанијата "Селек (Рус)". Се очекува во 2018 година таа да се појави во аптеките...

Според зборовите на руските научници од ќерката компанија на големиот американски холдинг, вакцината претставува средство кое ги стимулира изработката на антитела кои го блокираат никотинот во крвта, провоцирајќи имун одговор против тутунот, пренесоа агенциите. Како резултат на тоа човек престанува да доживува пријатно чувство при пушење (никотинот не може да влијае на мозокот). На тој начин се губи поентата на пушењето и човек лесно се откажува од психолошката зависност.

Според статистичките податоци на Светската здравствена организација (СЗО) секоја година пушењето предизвикува смрт на околу 4 милиони луѓе.

Луѓето не се откажуваат од цигарите и покрај информациите за штетноста на никотинот, забраните за пушење на јавни места во многу земји и зголемување на даноците. Истата група руски научници сега развиваат вакцини против дијабетес, хепатитис Б и рак на кожата.

Меѓувреме новото истражување на новозеландски научници покажува дека пушачите, кои минуваат на електронски цигари, за да се откажат од штетната навика, ги имаат истите шанси за успех како користење никотински лепенки, соопштија светските агенции. Прв од ваков вид истражување споредува ефикасноста на електронските цигари со стандардните никотински лепенки како терапија против пушењето. Научниците од Универзитетот на Окленд откриле дека нивото на успех е слично. Луѓето поминуваат со многу поголема подготвеност на електронски цигари, отколку на никотински лепенки. Експертите не се согласуваат за користа и штетата од електронските цигари. Според некои тие предиспонираат кон никотинска зависност, но други ги штитат како корисна алатка за намалување и откажување од пушењето.