Овој четврток Смитсониан објавил дека во шумата во Колумбија и Еквадор живее посебен вид на цицачи за кои до сега не знаевме...

Наречен олингуито, овој цицач од семејството ракуни има долга опашка, делови со крзно кои се портокалови и големи очи, а изгледа како нешто помешу домашна мачка и мечка. Тој е прв месојадец откриен на двата американски континенти во последните 35 години. Иако има заби со кои може да јаде месо, претежно се храни со овошје. Долг е околу 76 сантиметри и тежи околу 900 грама. Мажјаците и женките од прилика се со иста големина.

Крисофер Хелген од Институтот Смитсон, заслужен за ова откритие, вели: "Ова ни покажува дека светот сеуште не е до крај истражен".

Ова сепак не е прва средба на научниците со олингуито. Имено, тие повеќе од 100 години го "ставале во исти кош" со неговите поголеми роднини, олинго. Но проучувањето на крзното, забите и кожата од музејскиот примерок, кој Хлеген го започнал пред 10 години, покажало дека во прашање е посебен вид. Хелген порачал дека уште пред 10 години можел да ги објави своите сознанија, но дека сакал се темелно да провери.