Вселенскиот телескоп "Хабл" го потврди присуството на нов, досега непознат сателит на планетата Нептун, соопшти НАСА...
Сателитот, означен засега како S/2004 N 1 е 14-иот и најмалиот сателит на Нептун. Тој е со дијаметар 19 километри и се наоѓа на 105 251 километри од планетата, кружејќи околу неа меѓу сателитите Лариса и Протеја. Тој го прави целиот орбитален круг околу Нептун за 23 часа.
S/2004 N 1 не е забележан од вселенската сонда "Војаџер 2", која во 1989 година го истражува сателитски систем на Нептун. Сателитот е откриен на 1 јули оваа година од Марк Шоултер од калифорнискиот Институт за истражување на вонземски разум SETI.
Нептун кој е откриен во 1846 година е најодалечената планета од Сонцето во Сончевиот систем. Дијаметарот на Нептун е четири пати поголем од оној на Земјата.
