Кон крајот на минатиот месец канадската компанија UrtheCast објави дека на Меѓународната вселенска станица (ISS) ќе постави две свои камери со висока резолуција. Во соработка со руската вселенска агенција, снимените материјали ќе бидат објавени во базата на податоци достапни за јавноста...

Десетици сателити опремени со најсоверемена технологија константно снимаат фотографии од површината на Земјата со висока резолуција, но тие материјали се недостапни за обичните луѓе.

Компанијата UrtheCast планира да ја исправи неправдата, почнувајќи од оваа есен. Еден фотоапрат и една камера ќе бележат фотографии и снимки од Земјаката до кои секој кој го интересира ќе има можност и пристап да ги види.

Камерите претходно ќе бидат тестирани на отпорност кон вселенската радијација, а ќе бидат опремени со амортизери за тресењето да биде сведено на минимум.

На снимките нема да бидат видливи поединечни лица, затоа што камерата има резолуџија од еден метар, ќе може да се воочат само група луѓе на тлото. Куќите и автомобилите сепак ќе бидат видливи.

Фотоапаратот ќе фотографира секоја милисекунда, а материјалот снимен со камера ќе биде објавен со задоцнување од 20 минути до неколку часа, зависно од моменталната положба на ISS.

Својот профит канадската компанија ќе го заработи со наплата на услугите од финансиските организации и деловни субјекти, како пример одгледувачите на кафе, кои ќе сакаат своето поле да го видат од високо као и да го изберат најдоброто време за берба.