Елиф Билгин е 16-годишно девојче од Турција кое овој четврток Scientific American ја прогласи за победничка на овогодинешната награда Science in Action и и додели награда од 50.000 долари...

Елиф ја заслужила наградата со тоа што две години поминала усовршувајќи начин за добивање на биопластика од кора од банана. Сега, кога тоа конечно и успеало, нејзината постапка може да се користи во добивање на еколошки прифатлива пластика за изолација на кабли.

Оваа награда за младата Елиф е вистинска отскочна даска за големиот саем на Гугл, кој ќе се одржи во септември во Калифорнија и на кој ќе се соберат млади измислители. Елиф рекла што за неа значи ова признание: "Што се однесува до мене, ова значи дека мојот проект има потенцијал да стане решение за големиот проблем на загадување кој го предизвикува обичната пластика. Тоа исто така значи дека сум започнала процес на менување на светот, поради што веќе се чувствувам како победничка".