Астрономите од Јужната европска опсерваторија (YUEO) откриле три планети, потенцијални близнаци на Земјата кои кружат околу ѕвездата Gliese 667C во соѕвездието Скорпија...

Тие се наоѓале на такво растојание од своето сонце, што на нив потенцијално може да има услови за живот. Температурата на површината би дозволила таму да има вода во течна состојба.

"Импресивно е што откривме релативно блиску до нас ѕвезда со толку многу планети во т.н. зона за можно постоење на живот", изјави за медиумите астрономот од Вашингтонскиот универзитет Рори Барнс, кој е дел од меѓународниот тим истражувачи.

Овие небесни тела спаѓаат во категоријата на "супер Земја", бидејќи се релативно мали како дијаметар во споредба со гигантите, кои сочинуваат голем дел од екстрасоларните планети кои се наоѓаат надвор од Сончевиот систем, откриени по 1995 година.

Уште нема докази дали ново откриеното трио се состои од планети со цврста површина, за разлика од гасните светови чии токсични или задушливи гасови го прават постоењето на живот невозможно.

"Овие планети се доволно добри кандидати да бидат со тврда подлога и, можеби, атмосфера како земјината, а не како онаа на Јупитер", додава Барнс со порака до медиумите за откритието.