Резултатите од заедничкото истражување на научниците од неколку земји покажуваат дека за последните 100 години IQ-то на Европејците се намалило за 14,1 процентни поени...

Истражувањето е спроведено од научници од универзитетите во Брисел, Амстердам и ирскиот град Корк. Анализирани се податоци од 1889 до 2004 година, врз основа на кои е направен заклучок дека Европејците од Викторијанската ера биле попаметни отколку денешните.

Истражувачите тврдат дека нивото на IQ (интелектуален коефициент) кај просечниот Европеец се намалуваат со 1,23 поени годишно. Со текот на годините кај Европејците е намалена најмногу брзината на реакција. Показателот е важен, бидејќи е во врска со перцепцијата на обемот на информации.

Резултатите се наизглед доста изненадувачки, со оглед на фактот дека современиот човек има постојано поголем пристап до информации во споредба со неговиот претходник пред цел век. Објаснувањето на феноменот лежи токму во огромниот проток на информации, со кој единката се потешко се справува.

На денешен ден IQ се мери со тестови, а за средно ниво се сметаат 100 постигнати поени. IQ меѓу 90 и 110 поени имаат 50% од луѓето. Со помал од просечниот IQ се 25% од жителите на планетата, и исто толку - со повисок. Индивидуи со IQ под 70 поени се сметаат за ментално заостанати.