Канадски научници успеале да оживеат билки кои биле замрзнати пред 400 години, во текот на "малата ледена доба". Kaко што пренесува ВВС, примероците од билките од видот briofit успешно се развиле во лабараториски услови...

Истражувачите од универзитетот во Алберта наведуваат дека нивната студија открива начин на кој екосистемите се опоравуваат после долги, циклични ледени периоди. Тие го истражувале подрачјето околу глечерот Tirdrop, кој се наоѓа длабоко во арктичкото подрачје на Канада.

"При обиколката на глечерот забележавме тенок зеленкаст слој на просторите кои до неодамна беа прикриени со мраз", изјавила Катрин Ла Фатж, водич на истражувањето.

Познато е дека после долгата зима на Арктикот, биофитите можат повторно да оживеат со враќањето на топлите месеци. Истражувачите биле изненадени со оживувањето на биофитите кои толку долго време  биле под мраз.

"Кога ги видовме од близу во лабараторија, видовме дека од билките почнале да се развиваат бочни гранки. Тоа навистина не изненади. До сега мислевме дека можат да оживеат билки кои биле во непосредна близина на глечер, но не и оние кои биле заробени во мраз многу време. Секак по прв пат имаме доказ дека билките можат да преживеат долги години под мраз и на првите знаци на сонцето повторно да го започнат развојот онаму каде што застанале", рекла Катрин.