Лекарите од болницата во Мичиген пред 10 месеци му вградиле вештачка цевка на 3-месечно момче...



Вештачката цевка ја испринтале со користење на 3D печатач. Состојба на момчето оттогаш била значително подобрена.

Лекарите што предвиделе за момчето дека нема да излезе живо од болница, му помогнале со 3D печатач. Малиот Каиба Џонфридо бил роден со пореметување поради кое речиси секој ден имал престан во дишењето. Благодарение на 3D печатачот лекарите успеале да му вградат мал пластичен заменски дел на дишните патишта, поради што Каиба денес веќе дише нормално, пишува Дејли Меил.

Овој потег претставува вистински чекор напред во областа на регенеративната медицина, а со тоа значително се зголеми надежта за производство на делови од телото во лабораторија. Лекарите во Мичиген веќе долго време истражуваат како да се создадат вештачки делови за дишните патишта. Ова е прв пат кога тие вградиле вештачки дел. За случајот на Каиба лекарите не се поколебале воопшто, бидејќи срцето можело да престане да чука во секој момент.

За еден ден испечатиле стотици цевки со различни димензии, а еден ден подоцна со дозвола од FDA, на Каиба му ја вградиле онаа што најмногу му одговарала за неговите дишните патишта.

Каиба тогаш имал само 3 месеци, сега има 19 месеци и нема никакви проблеми со дишењето. Наскоро ќе му биде извадена и цевката што му ја вградиле кога бил бебе.