Американските научници успеале да создадат човечки ембрионски матични клетки од клетките од кожата преку клонирање...

Ова е прв успех по повеќе неуспешни обиди во светот во последниве години. Без да прават клон научниците успеаја да покажат за прв пат, дека е можно да се одгледуваат ембрионски матични клетки кои се генетски идентични со оние на човекот, од кој се клонирани. Ембрионски матични клетки се единствените клетки кои имаат способност да се разликува во било кој тип клетки на организмот и да се размножуваат без ограничувања.

Така тие имаат огромен терапевтски потенцијал. Овие клетки се особено перспективни за лекување на Паркинсоновата болест, мултиплекс склероза, срцеви патологии и повреди на 'рбетниот мозок. Научниот пробив беше направен од страна на тим научници под водство на Шукри Миталипов од Универзитетот за наука и здравје во Орегон (Oregon Health and Science University). Ова се случува по претходно големиот успех во 2007 година кога од клетки од кожата на мајмун беа одгледани ембрионални матични клетки.

За да се постигне тоа научниците си послужиле со класичната техника на клонирање - користење на јадро од клетка на кожата, која содржи ДНК на човекот, носејќи го во клетка од која е извлечен генетскиот материјал. Така јадрото на постара клетка се спојува со јајце клетка која развива и произведува ембрионални матични клетки.