Јапонски научници откриле голема гранитна плоча за која се сомневаат дека би можела да биде остаток од оддамна изгубениот континент кој се наоѓал покрај брегот на Бразил. Дали можеби се работи за Атлантида ќе покажат понатамошните анализи на примерокот пронајден на дното од океанот...

Екипата која ја предводи јапонската Агенција за поморска наука и технологија, пронашла гранитна плоча со големина 10 х 10 метри  на 900 метри во Атлантикот околу 1200 километри од брегот на Рио де Жениро.

Ова откритие посебно е занимливо затоа што гранитот се наоѓа само на копно па научнциите тврдат дека ова плоча би можела да биде доказ за копнена маса која пред многу години ја проголтала морето. Околу плочата пронајдени биле и траги на кварц кој исто така природно не се формира во морето.

Ова откритие автоматски асоцира на приказната за Атлантида за која уште во 360 година пред новата ера пишувал Платон. Сепак, пред да креваме прашина за пронаѓањето на Атлантида мора да почекаме истражувачите да ги анализираат примероците од плоча и песок.