Научниците од универзитетите во Флорида и Maine тврдат дека исчезнувањето на најстарите цивилизации на американскиот континент, пред 3.600 години, во перуанската Carala, е предизвикано, благодарение на комбинацијата на потреси и климатски феномени.



Наоѓалиштето Caral-Supe, кое во јуни оваа година е ставено на списокот на UNESCO за светска градина, е вистински дијамант во перуанската археологија. Изграден е во подножјето на Андите, на 20 километри од Тихиот океан. Caral-Supe се простира на 620 хектари со своите пирамиди, тераси, церемонијални зданија и станбен комплекс. Caral го исполнил „трансверзалниот развој“, спојувајќи ги луѓето од морскиот брег со луѓето од планинсите предели и Амазон. Цивилизацијата која настанала 44 века пред Инките, била многу софистицирана. Мрежата на села и градови покажува дека постоело дотогаш невидено урбано планирање на американскиот континент. Научниците изјавиле дека познавањето на астрономијата, медицината и инженерството било на завидно ниво.



Научниците се запрашале како дошло до исчезнување на цивилизацијата по 1.500 години развој. „Најверојатно се случила низа на природни катастрофи, прво силен земјотрес со јачина меѓу 7 и 8 степени според Рихтеровата скала, а потоа низа на мали потреси пропратени со одрон на земјата, што ги дестабилизирало околните планини“ - изјавила перуанскиот археолог Ruth Shady. Научниците откриле оштетување и деформации на пирамидите. Caral по потресите го погодиле поплави предизвикани од климатски феномен, по што следувале сушни периоди. Но, Caral чува уште многу тајни кои треба да се откријат, а за понатамошни истражувања се одобрени 800.000 американски долари од Американскиот Конгрес.