Американската вселенска агенција НАСА планира да воспостави контрола врз мал астероид и да го стави во постојана орбита околу Месечината. Тоа е дел од плановите на Вашингтон за создавање на извезени позиции на човештвото во вселената, изјави сенаторот Бил Нелсон...
За реализација на проектот, претседателот Барак Обама ќе предложи доделување на околу 100 милиони долари за буџетот на НАСА за 2014 година. Според идејата, беспилотен вселенски брод мора "да го фати" астероидот и да го насочи кон Земјата, така што тој да остане во стабилна орбита околу месечината - доволно блиску така што до 8 години астронаутите ќе можат да стапнат на него.
Сличен план беше предложен во 2012 година од страна на експерти од Калифорнискиот институт за технологија. Од тогаш оваа група, заедно со други експерти во оваа област, развиле детали за проектот. Според научниците тоа ќе биде прв обид на човештвото да ја промени небесата во насока на создавање постојано сместување на луѓе во вселената.
Целта на Обама да биде испратена пилотска мисија за близок астериуд до Земјата до 2025 година нема да може да биде остварена при сегашното ниво на финансирање на НАСА, пресметуваат експертите. Но, употребата на ракета-робот за "испорака" на 500-тон астероид близу до нашата планета може значително да ги промени работите. И да доведе до стапнување на човечката нога на астероидот уште во 2021 година, односно четири години порано од планираното. "Еднаш кога ќе стапнеме таму, ќе можеме да вршиме рударски активности, да истражуваме како може да биде пренасочена кон Земјата астероидот, да тестираме технологии за патување во длабокиот Космос и до Марс", додава сенаторот Нелсон.
