Една меѓународна студија со која раководеле австралиските научници, идентификувала ген кој е во врска со чест облик на епилепсија, што би можело да води кон порано поставување на дијагноза.

Водачот на истражувањето, Ингрид Шефер, од Универзитетот во Мелбурн, истакнува дека научниците веќе порано откриле еден број на гени во врска со епилепсијата, но биле карактеристични за ретките семејства во кои голем број членови страдат од таа болест.

Посебноста на генот кој го идентификувал австралискиот тим е во тоа што веројатно е карактеристичен баш за оние епилептичари кај кои не постои семејна историја на таа болест.

Овој ген е од важност за заболените од таканаречената фокална (парцијална) епилепсија, која погодува само еден дел од мозокот и влијае на дел од телото кој е контролиран од него.

Освен австралиски, во оваа истражување учествувале и европски и канадски научници.

Меѓу испитаниците, покрај Австралијанци, имало и Шпанци, Италијани и Израелци.