Анализата на примероци камен од Марс утврдила присуство на водород, јаглерод и кислород - елементи кои претставуваат основа за живот, објави NASA.

„Фундаменталното прашање на оваа мисија е дали на Марс постоела средина погодна за живот. Од она што сега го знаеме, одговорот е - да“, истакнува Мајкл Мејер, водач на американската Програма за истражување на Марс.

Примероците од седиментниот камен ги ископа робот на шест тркала, опремен со десет научни инструменти - најсофистициран досега кој е пратен на некоја друга планета.

Во примероците се утврдени сулфатни и глинести минерали, како и други хемиски соединанија.

Со анализа на овие соединенија, научниците можеле да заклучат дека водата, која допринела во формирањето на извесните камења, била релативно со неутрална Ph вредност.

„Откривме средина толку благонаклонета и толку погодна за живот што веројатно, ова да беше вода околу вас, а вие да бевте таму, ќе можевте да ја пиете“, истакнува Џон Гроцинер, учесник во Проектот Curiosity од Калифорнијскиот институт за технологија.