Научниците развиваат апчиња кои можат да им помогнат на луѓето да живеат до 150 години, така што го забавуваат процесот на стареење, соопштува британскиот весник  "Daily Telegraph"...

Лековите се синтетичка верзија на органската хемикалија ресвератрол, која се среќава во црвеното вино, за која се верува дека го забавува стареењето, а ја засилува активноста на протеинот SIRT1. Фармацевтската компанија "GlaxoSmithKline" (GSK) ги тестира лековите врз луѓе, болни од дијабетес тип 2 и псоријаза, сериозна кожна болест.

Професорот по генетика на Универзитетот Харвард, Дејвид Синклер вели дека стареењето може да не е "неповратна катастрофа". "Сега испитуваме дали има корист за луѓето кои веќе се здрави. Резултатите се ветувачки. Воспоставуваме дека стареењето не е неповратноа катастрофа, како што сметавме досега. Некои луѓе можат да живеат и до 150 години, но нема да се стигне до таму без дополнителни истражувања", посочи тој.

Проф Синклер објасни дека јакнењето на активноста на протеинот SIRT1 ја подобрува активноста на клетките, ја намалува нивната мрзеливост. Претходните експерименти врз глувци, пчели и муви кои добиле од супстанцата, покажале дека тие живеат подолго.

Проф Синклер, чие истражување е објавено во научното списание "Science", тврди дека извршил експерименти кои покажале дека материите, базирани на ресвератрол, имаат директно влијание врз здравјето. Некои научници тврдат дека влијанието не е вистинско, туку експериментален трик.

Иако постојат противречности, некои обиди дале ветувачки резултати за болести како рак, кардиоваскуларни болести и срцева слабост, дијабетес тип 2, Алцхајмерова болест, Паркинсонова, масна хепатална болест, катаракта, остеопороза, мускулна атрофија, нарушен сон и воспалителни болести како псоријаза, артритис и колитис.

Во моментов истражувањата имаат за цел да утврдат како тие супстанции можат да помогнат за исцелувањето на болести поврзани со стареењето. Но, професор Синклер смета дека по време ќе се испитуваат исто така и превентивни ефект.