Руска космонаутка во 2014 година ќе биде испратена на Меѓународната вселенска станица, со што земјата ќе продолжи со учеството на жените во управувањето на вселената по пауза од речиси 20 години, соопшти одговорен службеник во Ѕвезденото село каде што се обучуваат космонаути...

Станува збор за 36-годишната Елена Серова, член на единица на професионалните космонаути, која се подготвува за лет во вселената во втората половина на 2014 година, изјави Алексеј Темеров од Центарот за подготовка на космонаути крај Москва.

Оваа година Русија ќе ја одбележи 50-годишнината од првиот лет на жена во вселената - советската државјанка Валентина Терешкова. Тоа се случи на 16 јуни 1963 година.

Елена Серова ќе помине на МВС 6 месеци и ќе биде четврта руска космонаутка. "Во нејзината работна програма на одборот на МВС нема ништо невообичаено. Ова ќе биде обична научна програма. Не се предвидува таа да излезе во отворениот простор", изјави Темеров на прес-конференција.