Научниците од мисијата на НАСА "Кеплер" ја открија најмалата планета, детектирана до сега. Небесното тело е локализирано во системот наречен Кеплер-37, и се наоѓа на околу 210 светлосни години од Земјата, во соѕвездието Лира...
Планетата е именувана Kepler-37b и е малку поголема од Месечината. Целиот систем се наоѓа во т.н. "обитаема зона" на Вселената, каде теоретски би можела да постои течна вода на површината на планетите.
"Годината" на малата планета е сосема кратка. Kepler-37b прави целосна орбита околу својата ѕвезда за 13 дена. Останатите две планети во системот го прават за 21 и 40 дена. Сите тие се доста блиску до светлосното тело во нашиот систем, што укажува дека се многу топли и неповолни.
Откритието беше спроведено благодарение на податоците собрани од телескопот Кеплер, кој е во орбитата од 2009 година. Тој ја мери постојано и истовремено осветленоста на повеќе од 150 илјади ѕвезди на секој половина час.
