Во Франција почнаа клиничките тестирања на нова терапевтска вакцина против вирусот на имунолошката инсуфициенција, ХИВ. Во експериментот ќе учествуваат 48 заразени пациенти. Ова го објави професор Ерве Лорен од Марсеј...

Тимот на Лорен во текот на 15 години ги проучувал синтетизираните протеини во заразениот организам кои го нарушуваат нормалното функционирање на имунолошкиот систем. Како резултат на нивните студии е создаден синтетички протеини "Tat Oyi", кој може да ги инхибира "болните" белки. Професор Лорен акцентира на иновативниот карактер на својот развој. "Антителата ќе се произведуваат во многу мала количина, но ќе дејствуваат намерно. Се надеваме да ги сведеме на минимум негативните реакции на организмот од оваа вакцина", рече тој.

Првата фаза од тестовите врз доброволци ќе помогне за да се проценат страничните ефекти. Во случај на успех бројот на волонтерите ќе биде зголемен до 80 лица, а конечните резултати од истражувањето ќе станат јасни во 2015.

"Создавањето на терапевтската вакцина е од големо значење при болести како сидата, кои се развиваат многу бавно", истакна професорот Лорен. Во моментов во светот се тестираат 25 вида вакцини против ХИВ. 40% од нив се терапевтски.