Научниците развиле метода за префрлување на податоци во човечката ДНК, чиј еден грам може да поднесе податоци колку и 468.000 DVD дискови.

Новооткриената метода би требало да биде достапна за десет години, а ДНК луѓето ќе го користат наместо денешните хард дискови, сервери и други уреди за складирање на податоците.

Тимот на учници и IT експерти на Европскиот Биоинформатички Институт (EBI) по повеќегодишни истражувања и тестирања успеале да пренесат податоци, како mp3 музика, фотографии, текстуални фајлови и PDF документи директно во човечката ДНК, без употреба на дополнителна енергија.

Како што пренесува порталот AppyGeek, ДНК е идеален „пренесувач“ на информации и податоци, затоа што нуди речиси неограничен простор, ги чува на сигурно и не бара никакви дополнителни трошоци и енергија за размена. И податоците се тука, секогаш со човекот.

Од порано е познато дека ДНК е одлична „структура за складирање“, затоа што информациите и податоците за настанувањето и развивањето на земјата и сите живи суштества се добиваат токму од остатокот на коски и други делови од животни и живи сушстества изумрени пред повеќе илјади и стотина илјади години.

Поради тоа научниците од EB институтот се сигурни дека човечката ДНК податоците би можела да ги чува на сигурно место најмалку стотина години, што според траењето на човечкиот живот е „потполно прифатлив период“.

Секој грам од ДНК структурата е способен да „понесе“ 2,2 милиони GB податоци, што е еквивалентно на број од 468.000 DVD дискови!

Сепак, без оглед на се, вложувањето во развојот на понатамошни истражувања е многу неизвесно, затоа што трошоците се огромни, поради што дури и за десет години многу мал број кроисници навистина би можеле да го направат својот ДНК „диск“ за складирање податоци.