Алкохолната зависност е тешка болест, чие лекување е многу тешко. Научниците од Чиле тврдат дека создале препарат со дејството на вакцина што ја спречува појавата на чувство на еуфорија, што обично настапува по конзумирање на алкохол...

За почеток препаратот ќе биде испробан врз лабораториски глувци, а во ноември годинава се планираат и клинички тестирања кај пациенти од клиники за зависници во Чиле.

Креаторите на вакцината, тврдат дека дејството е како на класичните вакцини против заразни болести. Времетраењето на ефектот ќе биде најмалку неколку децении, па дури и цел живот.

Неколку минути откако вакцинираниот употреби алкохол (дури и во сосема мали количини), тој ќе почувствува исклучително непријатни чувства, слични на овие при мамурлук.

Специјалистите се надеваат до пролетта 2014 година вакцината да биде регистрирана и применувана во медицинската пракса.