НАСА докажала дека човекот стапнал на Месечината...
Уште откако астронаутите Neil Armstrong и Buzz Aldrin ги направиле првите чекори на Месечината, се создаде непоколеблива група заговарачи на теорија на завера, кои и денес упорно тврдат дека целото слетување на Месечината, всушност се одвивало во некое филмско студио.
Во 2002 година, фрустрираниот Buzz Aldrin дури се нафрлил на продуцентот на еден документарен филм, кој во лице му рекол дека лаже дека одел по Месечината и дека сите тие мисии се чисти лаги. Сепак, НАСА ги објавила најновите фотографии од својот сателит во Месечевата орбита (LRO), чија камера, според нивните тврдења, го снимила местото на слетување на Apollo 11 и со тоа засекогаш се затвара делот за поаѓањето на човекот на Месечината. Сондата на НАСА ја прелетала површината на Месечината на висина под 50 километри, над местото каде во 1969 година слетал Apollo 11, па во почетокот на овој месец ги објавила сликите. На нив може да се видат траги од стапалата на Neil Armstrong, отпечатоци од лунарниот модул и ТВ-камера. Исто така, на нив може да се видат и два пакета од пораншени мисии на Apollo, меѓу кои е Lunar Ranging Retro Reflector, со кој и денес се служат научниците за да ја утврдат одалеченоста на Месечината од Земјата.
„Овие фотографии не ја откриваат само постигнатата мисија на Apollo, туку покажуваат дека и лунарното истражување и понатаму продолжува“ - изјавил Richard Vondrak, научник од проектот LRO. „LRO и во иднина ќе се користи за пронаоѓање на најдобрите места за пат на Месечината“ - додал Vondrak. Пет од шест места на слетување на Apollо леталата, научниците прв пат ги виделе во Август оваа година, и тоа пред LRO да ја завземе стандардната орбита за картирање на површината на Месечината. Секоја фотографија има резолуција од 1.2 метри по пиксел.
Сепак, треба да се причека и да се види дали овие фотографии најпосле ќе ги убедат скептиците во тоа дека човекот навистина во 1969 година одеше по површината на Месечината, затоа ѓто останува прашањето зошто површината на Месечината не е снимена со снажните телескопи од Земјата или од орбитата.
