Тенкиот прстен составен од честички од мраз и прашина, се наоѓа на самиот раб на Сатурновиот планетарен систем, а неговата орбита е навалена за 27 степени во однос на рамнината, на кои се наоѓаат главните прстени на Сатурн.

Портпаролката на JPL Whitney Clavin рекла дека прстенот е многу редок и дека не рефлектирал полна видлива светлост, но сепак телескопот Спицер успеал да го детектира. Иако престенот е многу ладен, со 193 целзиусови степени под нулата, тој емитира термална радијација.

Новооткриениот внатрешен раб на прстенот започнува на растојание од 5.9 милиони километри од површината на Сатурн, а неговиот најодалечен раб се протега се до 11.9 милиони километри од површината на планетата во длабочината на вселената.

До најновото откритие се сметаше дека Сатурн има седум главни прстени, како и неколку помали прстени едвај видливи.