Следниот датум за Апокалипсиса: 13 април 2029 година (4,36 ч по Гринич). Тогаш "Апофис" ќе прелета само на 36 000 километри од нашата планета, а евентуалниот судир би бил еднаков на 65 000 атомски бомби...

Именувана по древноегипетскиот бог на смртта и хаосот космичко тело, познато уште како 2004 MN4 ќе прелета покрај земјата во 13 часот и 43 минути. Огромниот aстероид ќе е околу 14,46 милиони километри од нашата планета, соопшти американската вселенска агенција (НАСА), што е многу далеку и не претставува никаква опасност. За сега.

Интересот на научниците кон "Апофис" е дефиниран од фактот дека во моментот тој е единствената сериозна закана од вселената за земјата. Во април 2029 година метеор со дијаметар од 320 метри и маса од 50 милиони тони, ќе прелета само на 36 000 километри од нашата планета (ова растојание е геостационарната орбита на сателитите). Брзината на ддвижење е 45 000 км/ч.

Според некои апокалиптични договори "Апофис" може да ја промени орбитата така што при следното приближување кон Земјата - во 2036 година, може да се соочи со нашата планета. Денешниот настан ќе биде забележан од камерата "Slooh Space Camera" а небесното тело може да биде видено на сајтот Slooh.com.

Во октомври 2012 година шефот на Роскосмос, Владимир Поповкин изјави дека по 2020 година планира да оствари проект за лансирање на вселенски апарат, со помош на кој на површината на "Апофис" да биде поставен апарат кој ќе го следи однесувањето на вселенското тело.