Вселенскиот телескот на НАСА, "Кepler" отикри 461 потенцијално нови планети, воглавно со големина на Земјата или неколку пати поголеми, објавиле научниците. Со тоа вкупниот број на можни нови "светови" кои ги пронашол "Кepler" се качи на 2 740, од кои 105 од нив се потврдени....
"Пред две години имавме 1 200 планети кандидати. Година потоа додадовме значаен број нови објекти и забележавме тренд на раст на бројот на многу мали планети, двојно поголеми од Земјата и помали", рекол астрономот Кристофер Барк.
Со новите 461 се продолжува зголемувањето на малите планети. Меѓу новите мета на набљудување се планетите 1,5 пати поголеми од Земјата кои кружат околу свои ѕвезди кои наликуваат на Сонцето во орбитата од 242 дена, што е оддалеченост со која водата, потребна за живот, би можела да постои на површината.
Целта на мисијата на "Кepler", која започна во 2009 година, е да утврди колку ѕвезди во галаксијата Млечен Пат имаат планети со големина на Земјата кои кружат во т.н. хабитативни области каде може да постои површина со вода.
