Бебињата уште пред раѓањето учат да го разликуваат мајчиниот јазик од другите јазици.

Бебињата реагираат на гласот и звуците и пред раѓањето, од 30 недела од бременоста, покажаа резултатите од едно американско истражување објавено во списанието Acta Paediatrica.

Се работи, како што истакнале научниците, за прво истражување кое покажало дека пред раѓањето се станува свесен за специфичниот звук на јазикот.

А кога бебињата се раѓаат способни се веднаш да го разликуваат мајчиниот од другите јазици.

Научниците до тие резултати дошле така што на бебињата им пуштале да слушаат различни јазици, меѓу кои и мајчиниот. На нив им е дадена цуцла поврзана со компјутер за да се следат движењата прид цицањето додека ги слушаат јазиците.

Резултатите покажале разлика во вниманието кога бебето ќе го чуе мајчиниот јазик и кога ќе слушне некој друг, што значи дека меѓу нив прават разлика.