Повеќе од 10 години истражувачите водеа битка за откривање на начинот на обојување на балоните од сапуница. Сега тие имаат вистинска боја. Не се обоени како нормален, обичен балон со рефракција на светлината, сега тие се виолетови, зелени, црвени...Првиот обоен балон е добиен во кујната на пронаоѓачот Tim Kehoe. Првиот балон бил со сина боја. По пронајдокот, ја повикал својата сопруга да ја праша дали сето тоа е вистинско или по долгите години и многуте формули веќе почнал да халуцинира. Но се појавил проблем со допирните површини, односно, каде и да допре балонот останува обоена, а родителите не сакаат нивните деца да се шетаат наоколу со мулти-обоени алишта и лица. Кога и тој проблем бил решен Tim им дал име, нарекувајќи ги Zubbles. Tim планира балончињата да ги пушти во продажба во февруари 2009 година.