Британскиот научник господин Џон Гордон предвидува создавање на човечки клонови до 50 години, пишува весникот "Телеграф"...

Неговата работа по клонирањето на жаби во 50-тите и 60-тите години на XX век во пракса го отвори патот кон создавање на овцата Доли во 1996 година од страна на научниците во Единбуршкиот универзитет. Но, додека дојде до клонирањето на човечки суштества ќе треба да се надминат како многубројните технички проблеми, така и чисто етичките.

Спорд господин Џон, сепак, луѓето наскоро ќе ги надминат предрасудите, ако клонирањето се покаже како корисно од медицинска гледна точка. Тој потсетува како на забременувањето ин витро се гледало со големо сомневање, но по појавата на првото такво бебе - Луиз Браун во 1978 година, денес методот е широко прифатен.

Мноштво елементи од процесот на клонирање, сепак, ќе мора да бидат подобрени, пред да се пристапи кон копирање на човечко суштество, бидејќи во моментов клонираните ембриони на животни доаѓаат на свет деформирани.

Пред програма на БиБиСи научникот се сеќава дека кога клонирал жаби претскажал дека до клонирање на цицачи ќе дојде по половина век. Појавата на Доли во пракса ги потврдува неговите зборови.