Со децении научниците спорат околу причината за смртта на диносаурусите. Ново истражување ја поддржува теоријата според која им пресудиле вулканите.

Вулканската активност на просторите кои денеска и припаѓаат на Индија ги убила диносаурусите, тврдат научниците од Универзитетот Принстон. Научниците, инаку, веќе со години не можат да одлучат дали диносаурусите ги убиле вулканите, метеорите, астероидите или нешто сосема друго.

Научниците од Универзитетот во Принстон тврдат дека огромните ерупции на вулканите во регионот познат како „Декан на замокот“ во близина на Мумбај предизвикувале отровно загадување со сулфур и јаглероден диоксид кое ги убило диносаурусите пред 65 милиони години.

„Едноставно не постојат докази дека во Земјата удрил некој доволно голем метеор или астероид, кој би предизвикал масовен помор на живи суштества. Со стопроцентна сигурност тврдиме дека тоа го направиле вулканите“, рече геологот Герта Келер од Принстон.