Научниците на НАСА на 29 ноември соопштија дека на Меркур, планетата најблиску до Сонцето, е откриено присуство на мраз настанат од смрзнување на вода...

"Повеќе од 20 години водевме дебата за тоа дали планетата, најблиска до Сонцето, на својата мрачна страна може да содржи мраз кој настанал со смрзнување на водата. Космичкиот брод “Месинџер” сега ни пружи неверојатни докази за тоа", наведува научникот Шон Соломон во официјалното соопштение на НАСА.

Еден од фасцинантните податоци кои ги објави НАСА, е тоа што карпите лед се забележани и на деловите на кои температурата е значително повисока во однос на онаа која и е потребна на Земјата за да се одржи мразот во цврста, стабилна состојба.

Во тие предели над смрзнатата водена маса е откриена темна материја за која научниците се сомневаат дека претставува комплекс на органски молекули, и дека, заедно со ледот на Меркур дошла со некои од кометите кои се палат на таа планета.

Иако делови од површината на планетата Меркур можат да достигнат и до 800 степени по Фаренхајт, уште од средината на 70-тите години од минатиот век, теоријата за постоење на вода и мраз на таа планета лебдеше над научниот свет.

Почетокот на 90-тите беа собрани првите информации кои го нагласуваа присуството на мраз на таа планета, но од НАСА тврдат дека сега имаат навистина релевантни информации кои го покажуваат тоа.