Ново истражување на американските научници тврди дека туморите можат да бидат откриени под кожата со употреба на ситни обоени честички злато.

Научниците од еден американски Универзитет кажале дека новата техника еден ден може на докторите да им помогне да откријат и дијагностицираат рак во некој поран стадиум.

Истражувачите во глувци инјектирале златни честички обложени со телови противтела кои се нарекуваат ScFv пептиди и имаат способност за врсување со клетките на ракот.

Тие откриле дека честичките се „врзуваат“ на туморот, а кога ќе се осветлат со ласерска светлина даваат одблесок кој е специфичен за бојата со која се обоени.

Научниците тврдат дека ќелиите на рак се откриени на длабочина од 1 до 2 сантиметри, што честичките злато ги прави посебно погодни за откривање на тумор на главата и вратот.

Честичките злато се изразито светли и се на големина од 60 до 80 нанометри во ширина, што ги чини стопати помали од човечките влакна.

„Очекувам со оваа техника да биде можно да се открие ракот многу порано, додека уште е со микроскопски големини“, изјави еден од истражувачите, д-р Донг Мун Шин додавајќи дека дури и половина сантиметар широк чвор содржи милиони клетки на рак, но со помош на оваа технологија може да се откријат и многу помали клетки.

Истражувачите планираат да ја унапредат техниката со наночестички за да го подобрат пронаоѓањето на тумори и се надеваат дека со честичките на злато ќе можат селективно да достават лек за клетките рак.