Тим астрономи открил нова планета која кружи околу блиска ѕвезда на оддалеченост која е одговарачка за развој на клима слична на онаа на Земјата, што значи дека би можела да биде погодна за развој на живот.

Тим германски и англиски астономи откриле нова планета која кружи околу блиска ѕвезда на оддалеченост која е одговарачка за развој на клима слична на онаа на Земјата, што значи дека би можела да биде погодна за развој на живот.

Тимот всушност пронашол три планети во орбитата околу ѕвездата оддалечена 44 светлосни години, но само една од нив се наоѓа во така наречената зона „Златокоси“, област во која температурите не се ни прениски, ни превисоки, што е предуслов за постоење на течна вода.

„Ѕвездата HG 40307 е тивко старо џуџе, па не постои причина поради која таквата планета не би имала клима налик на Земјината“, рече Гијом Англа-Ексуде од Универзитетот Гетинген, кој го предводел оваа истражување заедно со Мик Туоми од Универзитетот Хертфордшир.

Планетата има речиси седум пати поголема маса од Земјата, но кружи околу ѕвезда на речиси иста оддалеченост, што значи дека добива слична количина соларна енергија како и Земјата.

До сега надвор од нашиот соларен систем се откриени повеќе од 800 планети, но само мал број од нив се наоѓаат во зони погодни за живот. Уште поретки се планетите што ротираат, како што е оваа новооткриената, на кој се менуваат денот и ноќта, што ги зголемува шансите за развој на опкружување како на Земјата. Кај оние кои не се вртат, едната страна е во постојана темница.

Планетата HD 40307g е дел од системот кој порано се веруваше дека се состои од три планети кои се преблиску до ѕвездата за на нив да постои течна вода.