Заборавете на најголемите дијаманти кои му се познати на човекот, постои еден поголем од целата Земја. Поточно, научниците во соѕвездието Рак откриле планета наречена 55 Cancri е, составена повеќето од дијаманти, а се движи со толку голема брзина што годината на неа трае едвај 18 часа...

Радиусот на планетата 55 Cancri е, е двојно поголем од Земјиниот, а нејзината маса е дури осум пати поголема од онаа на нашата планета. Освен тоа, површината и е доста загреана така што достигнува дури 1648 степени Целзиусови.

"Површината на оваа платена покриена е со графит и дијаманти", изјавил Ник Мадусудан, истражувач од Јел, чиј пронајдоци наскоро ќе бидат објавени во списанието Astrophysical Journal Letters.

Дијаманти на платената биле забележани во вселената, но ова е прв пат да е пронајде еден кој кружи околу ѕвездите и е детално проучен. "Ова е прв увид во свет кој има темелно различен хемиски состав од Земјата", додал Мадусудан.

Терминот "близина" во овој случај значи дека секој ловец на дијаманти до 55 Cancri е, мора да патува 40 светлосни години.