Метеорниот поток Драконид (Draconid) ќе го достигне врвот на својата активност денес, иако оваа година астрономите не очекуваат "ѕвезден дожд", како минатата...

Метеорите се појавуваат кога во земјината атмосфера навлегуваат и согоруваат микроскопски честички од вселенската прав. Метеорниот поток или ѕвезден дожд е поврзан со преминувањето на нашата планета во натрупаниот прав, кој останал по преминувањето на комета. Драконидите (Draconids) се нарекуваат така затоа што од гледна точка на земниот набљудувач ѕвездите кои паѓаат доаѓаат од соѕвездието Змеј. Драконидите произлегуваат од кометата Џакобини - Цинер 21P (Giacobini-Zinner), откриена во 1900 година.

Според информација на Меѓународната организација за метеори периодот на дејствување на Драконидите оваа година е од 6 до 10 октомври, а нејзиниот врв е во 14.15 часот на 8 октомври.

Драконидите се познати по својот варијабилен карактер па така  можеби активноста ќе биде од 10 - 20 на час до 700 - 800 светли траги на небото на секој час.

Брзината со која честичките од овој проток влегуваат во атмосферата е релативно ниска - околу 20 километри во секунда, па затоа лесно ќе можат да се разликуваат од другите ѕвезди кои паѓаат.