Момче пронашло мамут стар околу 30 илјади години.

Едно 11 годишно момче неодамна сосема случајно наишло на доста големо откритие. Имено, додека со братот се шетал по крајбрежјето на реката Јенисеј на север од Русија, Евгениј Салиндер во ледот пронашол одлично зачувани остатоци од мамут.

Местото на случувањето бил полуостровот Тајмир, каде што животното останало до денеска, зачувано во пермафрост (земјиште во кое температурат е под нулата), истакнал заменик директорот на Зоолошкиот институт на Руската академија на науката, Алексеј Тихонов.

Откритието не претставува само костур, туку телото на мамутот е тешко половина тон, со зачувани фрагменти на кожа, месо, маст, па дури и некои органи.

„Костурот е речиси целосно зачуван, а во градниот кош можеби ќе најдеме и срце. Можеме да кажеме дека се работи за мамут на векот“, рече Тихонов. Мамутите живееле во периодот пилоцена, пред пет милиони години, до холоценот, до пред 4.500 години.