Зошто жените живеат подолго од мажите? Затоа што немаат жени! Така вели еден виц, но науката има друг одговор...

Јужнокорејските стручњаци можеби дошле до клучниот фактор поради кој жените во просек живеат подолго од мажите. Тие утврдиле дека кастрираните мажи низ историјата живееле подолго отколку оние кои не биле подложени на тој зафат. Водичот на студијата Кјунг Џин смета дека причината за подолгиот живот е тоа што им бил отстранет изворот на машкиот хормон тестостерон, за кој се знае дека го зголемува ризикот од хронични заболувања и ги намалува имунолошките функции на мажите.

Од друга страна, иако биолошки не можеле да бидат родители, кастрираните мажи сепак се женеле, посвојувале деца и во принцип имале живот сличен како и на некастрираните.

Современиот маж кој би сакал да го продолжи својот животен век би можел евентуално да рзмисли за "терапија на редукција на тестостеронот", напоменува Кјунг Џин. Тој сепак смета дека е рано за таква интервенција, меѓу друготот и заради тоа што не се знае дали нејзиниот ефект во стари години би бил исти како и кај некогашните мажи, кој биле кастрирани уште во детството.

Освен тоа, со оглед на намалување на сексуалната желба, како последица на редукција на тестостеронот, некои мажи сметаат дека продолжувањето на животот на тој начин нема баш смисла.