Астрономите тврдат дека тој космички судир е сличен на оној пред 4,5 милијарди години кога тело со големина на Марс удрило во Земјата, при што настанала Месечината. Во овој случај се претпоставува дека се работи за две камени тела кои се судриле во последните неколку илјади години. Едното тело било со големина на Месечината, ако не и поголемо, а другото најмалку со големина на Меркур. Ударот во целост го уништил помалото тело, парчињата од камења и лава се рашириле во Вселената. Се претпоставува дека телата во моментот на судирот се движеле со брзина не поголема од 10 км/сек.

Инфра-црвените детектори на вселенскиот телескоп на НАСА, Spitzer препознале вапоризирани камења и фрагменти на стврдната лава, познати како тектити. "Доколку камењата се стопиле и вапоризирале или претвориле во пареа, ударот мора да бил многу јак и со голема брзина" рекоа од НАСА. Такво нешто е вистинска реткост, а е од голема важност при формирањето на планети кои наликуваат на Земјата и Месечината.