Астрономите се подготвуваат за еден од ретките настани во Сончевиот систем. На 6 јуни, Земјата, Венера и Сонцето ќе бидат во иста линија, тоa ќе се повтори дури за 105 години...

Вселенскиот танц, попознат како транзит на Венера, ќе може да се види и во Македонија на 6 јуни, еден час по изгрејсонце.

Глетката на поминувањето на Венера пред Сонцето е еден од најочекуваните астрономски феномени. За време на транзитот, Венера поминува меѓу Земјата и Сонцето како мала црна точка која шест и пол часа ќе се гледа на блескавиот диск на нашата ѕвезда.

До сега се регистрирани само шест транзити на Венера, поради тоа што пред пресметките на германскиот математичар Јохан Кеплер, никој не знаел каде да гледа, ниту пак имал соодветни сочива.

Транзитите се случуваат во јуни или декември, во парови на растојание од осум години, а потоа настапува долго чекање. По декемвриските доаѓаат јунските транзити, но 105 години подоцна.

Научниците и овој пат предупредуваат на опасноста од гледање во Сонцето без соодветна заштита.