Ако вечерва имате слободно време погледнете ја прекрасната глетка на небото која ќе ја приредат Венера, Јупитер и Месечината...

Вечерва околу 19:30 часот двете планети, Венера и Јупитер, ќе и се приближат на Месечината поради што ќе бидеме сведоци на вистински спектакл на небото.

Последната недела овие две планети можеа со голо око да се забележат како стојат во исправена линија над хоризонтот, а вечерва на таа небесна линија ќе им се придружи и Месечината.

Астрономите тврдат дека не станува збор за никаква необична појава, но дека се работи за многу убава глетка која повторно ќе може да се види дури после неколку години.

НАСА ќе активира веб чат на кој сите ќе можат да разговараат за оваа појава, а ќе учествуваат и научници од центарот на НАСА. НАСА ќе врши и пренос во живо од оваа прекрасна појава.

Сепак глетката нема да трае долго, бидејќи веќе во вторник Месечината ќе се оддалечи од ова друштво.