Венера се сретнува со Јупитер...

Вест што ги израдува астрономите - најблиската планета до Земјата, Венера и најголемата во соларниот систем, Јупитер, скоро цела недела ќе бидат блиску една до друга.

Уште вчера вечерта двете најсветли планети се приближија една до друга, а оваа вечер таа разлика ќе биде најмала. Целата појава најдобро ќе се гледа во четврток кога овој феномен ќе биде видлив дури четири часа.

Јупитер и Венера во вселената се многу далеку една од друга, ама овие денови ќе ни изгледа како оваа разлика да е многу мала.

Иако до „блиска средба“ меѓу Јупитер и Венера доаѓа на секои 13 месеци, астрономите велат дека оваа сега ќе биде најспектакуларна.

И ние тука, во Македонија, ќе можеме со голо око да ја видиме средбата помеѓу Венера и Јупитер, се разбира ако временските услови го дозволат тоа.